03《永遠愛妳》

詞曲唱：李兆麟

窗外雨水微微 時鐘答答滴滴

時針指向東邊 心內思念着你

天星無啥咧閃爍 月娘嘛無啥物元氣 風漸漸無聲茶漸漸無味

 

一更二更三更半暝   腦海貯的攏是你

思思念念 情意綿綿  期待倚咧你身邊

一言二言三言兩語   講袂清有偌愛你

只有佇夢中見面時   來表達阮的情意

 

情海中偌爾濟人      愛甲欲生愛甲欲死

人世間有偌濟人      真正了解愛情二字

人海中熟似着你      是三生有幸的代誌

不管結局是苦是甜   我欲對你講一聲

永遠愛你！